“أصالة نصري” تدعم بلدها سوريا على طريقتها

أطلقت الفنانة السورية أصالة نصري أغنية جديدة بعنوان “سوريا جنة”، خصصتها كإهداء لوطنها سوريا، مؤكدة في رسالة نشرتها عبر حسابها الرسمي على إنستغرام أن الحب والتسامح هما السبيل الوحيد لتجاوز الجراح وإعادة بناء الوطن.

وعبّرت “أصالة” عن حنينها وهويتها السورية الأصيلة، قائلة: “أصلنا… نحنا كل أهل سوريا بنشبه أهل الحارة اللي بكل العالم مافي من هيك حارة، الناس فيها مخلوطين من ديانات مختلفة وثقافات مختلفة، وبساطة، وشهامة، ومحبة، وتسامح، وتسامح، وتسامح. ومافي شي حيخلينا نتجاوز ونكبر ونحقق ونعلى غير التسامح. ومارح نقول مو وقتها لسه الجرح طازة! رح نقول نحنا أهل سوريا العظيمة الطيبة، سوريا التاريخ اللي بيعشقها شعبها ودفع دمه فداها”. 

ودعت أصالة السوريين إلى الترفع عن الأحقاد والعمل معاً من أجل بناء سوريا، مؤكدة: “ما بدنا نكمل مشوار كله دم وكله قهر وبيرجعنا أكثر وبيقهرنا أكثر، لأننا بالآخر هون عنا أهل وحبايب، وهون عنا أهل وحبايب، وبدنا نتوحد وبدنا نعمر هالبلد الحلوة اللي مافي أحلى من ترابها وشجرها وبيوتها وأهلها الطيبين الحناين”.

وأضافت: “من هنا سنبدأ، لن نتطلع إلى الماضي، وكل واحد فينا سيعمل عمله، وسنتأمل خيراً، وسنتطلع إلى الله، وسنتضرعه، لم يعد لدينا وجع، نريد كلنا أن نكمل مع بعض، نريد سورية تلحق وتعمر وتكمل وتسبق، نريد سورية بلا ظلم، بلا خوف”.